Herritarron plaza publiko berria

Dagoeneko zabalik dago Etorkizuna Eraikiz Gunea, politika publikoen laborategia

Amaia Arriaranen erreportajea - Lunes, 9 de Julio de 2018 - Actualizado a las 09:07h.

Politika publikoen laborategi aitzindaria martxan dago, dagoeneko, Donostian, Gipuzkoako Foru Aldundiaren ekimenez. Joan den maiatzaren 28an ireki zituen ateak eta datozen hilabeteetara begira, hainbat ekimen programatu ditu.

Azken urteetan, gobernantza irekia delakotik eratorrita (gardentasuna, parte-har-tzea eta lankidetza sustatzen dituena), hainbat herrialdetan administrazio publikoetan erakunde berriak sortzen joan dira, hala nola, Londres, Amsterdam, Berlin edota Kopenhagen. Espazio berri horiek, hain zuzen, politika publikoen laborategiak dira. Parte-hartze eta lankidetzarako kanal berriak sortuz, gobernuak herritarrekin duten harremanari buelta bat eman eta guztiz modernizatu dute. Herrialde horiek eredu hartuta, Gipuzkoako Foru Aldundiak bere gune propioa sortu nahi izan du, hubderitzona, non gipuzkoarrek elkarrekin esperimentatu eta ideia berriak garatu di-tzaketen.

denon elkargunea Inork espazio berritzaile hau bisitatu nahi badu, jakin herritar oro dago dagoela gonbidatuta. Foru Jauregiaren beheko solairuan dago kokatuta, kale mailan, Gipuzkoako plaza eta Peñaflorida kaleen artean. 200 metro karratuko lokal honetan edozein herritar, gizarte eragile eta erakundek har dezake parte.

Helburua, horiek denek administrazio publikoarekin elkarri eragitea da, Gipuzkoak aurre egin behar dien etorkizuneko erronkei erantzuna emango dien politikak diseinatzeko eta, aldi berean, parte-hartzaile guztien kezkak eta iritziak jaso-tzeko Gipuzkoako etorkizunari eragiten dioten gaien inguruan.

Hiru espaziotan banatuta dago hub-a. Lehenengoa bilera gela bat da eta bertan Gipuzkoako Foru Aldundiko eta Etorkizuna Eraikiz proiektuko langileak aritzen dira lanean. Bigarrena herritarrak informatzeko erabiliko da, Etorkizuna Eraikiz zehazki zertan datzan ezagutzeko helburuarekin. Horretarako, erakusketak, esposizio panelak, esku-orriak, video-wall bat, tabletak eta beste zenbait baliabide izango ditu erabilgarri. Hirugarrena, ordea, erabilera ani-tzeko aretoa da eta jarduera ugari antolatuko dira bertan: aurkezpenak, elkarrizketak, proiekzioak, mintegiak, erakusketak, foroak... denetarik.

lau foro urtean Areto horretako hainbat ekitaldi, gainera, dagoeneko programatuta daude urte amaiera arte: 40 tailer, batzar eta hitzaldi inguru egingo direla aurreikusten da oraingoz. Adibidez, Gipuzkoako Foru Aldundiak bultzatzen dituen eta Etorkizuna Eraikiz programaren testuinguruan kokatzen diren ekitaldiak antolatuko dira;lurraldearen etorkizunerako garrantzitsuak diren gaien inguruan hitz egiteko herritarren topaketak ere izango dira;edota herritarren proposamenetatik irten diren proiektuetako bultza-tzaileak egiten ari diren lana plazaratzeko aukera izango dute gune honetan, publikoari irekita egongo diren ekitaldietan, arratsaldez beti ere.

Jarduera horiek guztiez gain, garrantzia gehien izango duen ekimena Etorkizuna Eraikiz Foroa izango da, urtean lau aldiz egingo dena. Prestakuntza handiko pertsonak arituko dira bertan hitzaldiak ematen, etorkizuneko ikuspegiaz mintzatuz eta hausnarketarako eremu bat sortuz.