Elgoibarko ‘Euskara ala Ezkara’ zikloak 10 urte betetzen ditu

Elgoibartarrek omenaldi beroa eskaini zioten 2009an Gotzon Garateri, bere heriotzaren lehen urteurrenean.

Gotzon Garate zenaren omenez urriaren 6an egingo den jardunaldian aritzeko izena hilaren 28ra arte eman daiteke

Domingo, 9 de Septiembre de 2018 - Actualizado a las 06:03h.

elgoibar - Udalak eta Elgoibarko Izarra elkarteak Gotzon Garate zenaren oroimenez antolatzen duten Euskara ala Ezkara zikloak 10 urte beteko ditu aurten. Eta hori ospatzeko, ekitaldiz betetako egitaraua prestatu dute urriaren 6rako, DanobatGroup eta Makina-Erremintaren Institutuaren laguntzarekin.

Edonola ere, Kulturgintza izango da urriaren 6rako antolatutako jardunaldiaren gai nagusia. Egun horretan 21 kulturgile ezberdinen partaidetza espero da eta hauek eskainiko dituzten saioekin disfrutatu nahi duten herritarrek hilaren 28ra arte egin dezakete matrikula. Prezioa (pintxo-bazkaria barne) 30 eurokoa da eta interesatuek Elgoibarko Izarra elkartearen 943 741 626 telefono zenbakira dei egin edo elgoibarkoizarra@elgoibarkoizarra.eus helbide elektronikora idatz dezakete izena emateko.

Ekintzak Urriaren 6an ospatuko den Euskara ala Ezkara zikloarenjardunaldi nagusian “hitzaldiak, diagnosiak, gogoetak, elkarrizketak, poesia musikatuak, bertso saioak edota musika emanaldiak” izango dira;Harkaitz Cano, Danele Sarriugarte, Mursego, Amorante, Ander Lipus, Uxue Alberdi, Gotzon Barandiaran edo Nerea Ibartzabal bezalako izen propioen partaidetzarekin.

Programa 9.30ean abiatuko dute IMHko instalakuntzetan eta egun osoko jarduerak burutu ondoren 19.30ean emango diote amaiera Kultur Etxeko sotoan. - J.L.

Secciones