Bizia Lab Campuseko programaren lehen deialdia abian da

Unibertsitate eremuetako 180 pertsonak parte hartu dute Bizia Lab Campuseko programaren lehen deialdian. (ehu)

UPV/EHUk martxan jarri ditu 18 proiektu jasangarritasuna hobetzeko

Bizia Lab Campusaren programaren helburua da irakasle, administrazio eta zerbitzuetako langile eta ikasleen artean parte hartzeko prozesua sustatzea, diziplina zeharkako ikuspegitik, Unibertsitatean bertan jasangarritasuneko erronkei erantzuteko. 2017/18 ikasturtean, lehenengo deialdia martxan jartzean hasi du ibilbidea, aurreko ikasturtean eginiko esperientzia pilotuaren ondoren. Une hauetan, zabalik dago programaren bigarren deialdia.

Martes, 24 de Julio de 2018 - Actualizado a las 16:26h.

DONOSTIA. Bizia Lab Campusaren lehen esperientzian 18 proiektu zehatz egin dira eta, horietan, unibertsitateko elkarteko zenbait diziplina eta kolektibotako 178 pertsonak (84 emakume eta 92 gizon) parte hartu dute: IRI (94), AZLko langileak (27) eta ikasleak (55).

Lehen urratsa aztertu beharreko erronkak zehaztea izan zen. Zortzi erronka ezarri ziren, ekintza zehatzak egiteko. Erronkak modu parte hartzailean zehaztu ziren, 2017ko ekainean eginiko mintegi batean. Ikasturte honetarako erronkak honako hauek izan dira: trantsizio energetikoa, ekonomia zirkularra, hiri baratzeak campusetan, campusetako hirigintzako plangintza eta mugikortasuna, unibertsitate osasungarria, unibertsitateko elkarte eta kultura jasangarria, eraldaketarako hezkuntza eta beste erronka batzuk.

EHU Aztarna, proiektuetako baten adibide

EHU Aztarna proiektuan UPV/EHUren ingurumen aztarna kalkulatzen ari da eta, horretarako, Bizi Zikloaren Analisiaren (BZA) metodologia erabiltzen ari da eta Europako Batzordeak proposatutako gida metodologikoa jarraitzen. Proiektua baliabideen erabileraren (energia, materialak) eta UPV/EHUko jarduerekin lotuta atmosfer

ara, uretara eta lurrera egindako igorpenen inbentarioa prestatzen ari da, mugikortasuna barne. Gainerako proiektuen helburua da unibertsitatearen barruan eremu eta jardueretan aurrera egitea. Adibideetako batzuk erreaktibo kimikoen erosketa arduratsua eta jasangarria, hondakinak murrizteko estrategiak, campusetan hiri baratzeak garatzea, elikadura osasungarria eta jasangarria sustatzea eta energia berriztagarriak erabiltzea dira.

Bizia Lab Campusari buruz

Bizia Lab Campusa University Educators for Sustainable Development Erasmus Proiektuaren ondoriozko ekimena da;proiektuan Universidad del País Vasco/Euskal Herriko Unibertsitateak (UPV/EHU) parte hartu zuen, 2013-2016 bitartean. Bizia Lab Campus programa bat dator 2018-2021erako Plan Estrategikoaren ildo nagusiekin, bai eta UPV/EHUren IKD (ikaskuntza kooperatiboa eta dinamikoa) hezkuntza ereduarekin eta Nazio Batuen 2030erako Agendarekin ere. Ekimena Berrikuntzaren, Gizarte Konpromisoaren eta Gizarte Ekintzaren arloko Errektoreordetzako Jasangarritasun Zuzendaritzak sustatzen du.

Secciones